Седмо продолжение на конститутивната седница, преовладуваат меѓупартиските препукувања
Собранието ја продолжи конститутивната седница на која што се расправа за избор на претседател, заменик на претседателот, членови и нивни заменици на комисијата за прашања на изборите и именувањата. Реплики и контрареплики во Законодавниот дом. Ова е седмо продолжение на првата седница на новиот парламентарен состав.
Седмо продолжение на конститутивната седница на која преовладуваат меѓупартиските препукувања преку процедурални забелешки. Само на моменти се споменуваше и темата од точката на дневен ред, изборот на претседател и членови на Комисијата за избори и именувања.
Се дебатираше за телефонски сметки во роаминг, за здравството, за новинарството и тужби за клевета и навреда, па дури и за цвеќето во собраниската сала. Не помогнаа апелите на претседавачот Трајко Вељаноски да престанат процедуралните забелешки.
Пратениците секој со својата вистина, расположени за дебата, ја продолжуваат расправата за избор на претседател и членови на Комисијата за избори и именувања.
Миле Ристески