„Вашингтон пост“: Имало „тајна“ американско- руска средба во ОАЕ

Американскиот весник „Вашингтон Пост“ тврди дека во јануари годинава имало тајна средба меѓу американски бизнисмен, симпатизер на Доналд Трамп и Русин, близок до претседателот Владимир Путин.

Средбата ја организирале Обединетите Арапски Емирати (ОАЕ), а според весникот, целта била да се обезбеди канал за комуникација меѓу официјална Москва и Трамп.

Разговорите на неименуваните соговорници се одржале девет денови пред инаугурацијата на новиот претседател.