„Марија Калас- Час“ премиерно во МОБ
Утре во Македонската опера и балет премиерно ќе биде прикажана претставата „Марија Калас- Час“ во режија на Урсула Хорнер, а главната улога ја толкува Надежда Рубен. Претставата го опишува животот на оперската дива во 70- тите години, нејзиниот гламур и најголемите стравови.
Животот на оперската дива Марија Калас на и зад сцената. Нејзиниот гламур и најголемите стравови, љубовниот живот и саможртвата во име на уметноста опишана во претставата „Марија Калас- Час“. Приказната се одвива во реномираниот универзитет „Џулијард“ во Њујорк каде што оперската дива држи час по пеење. Тогаш таа се навраќа на животот и се однесува потполно непредвидливо. За екипата на МОБ, оваа претстава е голем предизвик.
Претставата „Марија калас- Час“ е во режија на Урсула Хорнер. Премиерно ќе биде прикажа утревечер во Македонската опера и балет. Главната улога ја толкува Надежда Рубен.
Покрај „Марија Калас- Час“, вечер МОБ премиерно ќе ја изведе претставата „Балетска вечер на Бурнонвил“- ретроспектива за творештвото на данскиот и светски реномиран кореограф Аугуст Бурнонвил.
Викторија Милевска