Поплавените семејства мора да се вратат дома

Раселените кои настрадаа во ланските поплави во близината на Скопје, треба да го напуштат прифатниот дом „Томе Стефановски- Сениќ“, каде што беа згрижени. Но, поплавените од Сингелиќ, Стајковци и Инџиково, велат дека немаат каде да одат.

Владата ги покриваше трошоците до 31-ви март, но директорот на домот им дозволи да останат и за Велигденските празници.

Надлежните направија увид на состојбата со поплавените, сместени во домот.  Се предвидува три семејства да бидат преместени во центарот „25 мај“, велат од ресорното министерство.