Познати полуфиналните двојки во Лига Европа

Во Нион по ждрепката на двојките за Лигата на шампионите, попладнево беа извлечени и паровите за полуфиналната фаза во второто по квалитет континентално клупско фудбалско првенство – Лига Европа.

Ждрепката одлучи во полуфиналето да играат: Ајакс (Холандија) – Олимпик Лион (Франција) и Селта Виго (Шпанија) – Манчестер Јунајтед (Англија).

Првите натпревари се закажани за 4 мај, реваншите се седум дена подоцна.

Финалето ќе се игра во Стокхолм на 24 мај.