Попоски: Да се почитуваат законите
Насилството во Парламентот мора да биде најостро осудено од сите. Заедно да бидеме обединети, никој да не поттикнува, уште помалку да практикува какво било насилство- вели Попоски...
Вицепремиерот и министер за надворешни работи, Никола Попоски на неформалниот состанок во Малта повика на сплотеност во земјата и почитување на Уставот и на законите.
„Насилството во Парламентот мора да биде најостро осудено од сите. Заедно да бидеме обединети, никој да не поттикнува, уште помалку да практикува какво било насилство. Во овој момент мораме да се вратиме назад на процедурите, на основните демократски начела и воедно, да сфатиме дека единствениот начин на кој одржливо ќе излеземе од кризата е преку дијалог, меѓусебно разбирање и обединети против сите закани за Република Македонија“, вели Попоски, кој во Малта учествува на неформалниот министерки состанок на шефовите на дипломатиите на ЕУ и земјите кандидати.