Горивата поевтинуваат за 1,5 денар
Eуросупер БС – 95 ќе се продава за 66 денари за литар, 98 октанскиот за 68 денари, новата цена на дизелот е 51 денар за литар, а екстра лесното ќе се продава за 39,5 денари. Поевтинува и мазутот.
Нафтените деривати поевтинуваат од полноќ. Регулаторната комисија за енергетика ја направи новата пресметка, според која, цената на бензините, дизелот и на екстра лесното масло за домаќинство се намалува за 1,5 денар.
Па така, од полноќ, Eуросупер БС – 95 ќе се продава за 66 денари за литар, 98 октанскиот за 68 денари, новата цена на дизелот е 51 денар за литар, а екстра лесното ќе се продава за 39,5 денари. Поевтинува и мазутот.
Во просек, малопродажните цени на нафтените деривати се намалуваат за 2,89 проценти, како резултат на поевтината сурова нафта на светските берзи и нешто повисокиот курс на денарот во однос на доларот.