Мерки за претпазливост за три лица за настаните во Собранието

Кривичниот суд ги прифати предлозите на Јавното обвинителство за настаните што се случија минатиот четврток во Собранието. За едно лице е одреден 8-дневен притвор, а за двајца мерки за претпазливост. Тие беа приведени од МВР завчера.

Детално се прегледува доставениот доказен и видео материјал за утврдување на фактите и кривичната одговорност на инволвираните лица, соопштуваат од Обвинителството.

Полицијата досега поднесе кривични пријави за 20 идентификувани лица, учесници во нередите во Парламентот. До Обвинителството се поднесени и извештаи за досега собраните сознанија за лица организатори на протестот, како и лица кои учествувале во отстранувањето на претходно поставената блокада на вратата од внатрешната страна на собраниската зграда.