Патарините и граничните премини во живо на интернет

Од денеска сите граѓани ќе можат да ја следат состојбата на патиштата низ цела Македонија на интернет. На веб страната  може да се видат и сите предвидени проекти за наредните 5 години. Информациите постојано се ажурираат.

„ Ова е битно кога луѓето планираат да патуваат можат преку посета на веб страницата на јавното претпријатие да видат каков е протокот на возилата. И покрај тоа што информира АМСМ и ова е една добра алатка која се користи во повеќе земји членки на Европската Унија , од денес ќе биде тоа и во Република Македонија“ изјави Миле Јанакиевски , министер за транспорт и врски

„ Во секој момент секој ден се ажурира, се гледа каква е состојбата на одредени делници. Видео камерите се ставени на сите патарини и на граничните премини. Во живо ги гледате секој момент сите наши патарини како функционираат колку се отворени. Но и кога ќе планираат граѓаните патување може да видат и дали има гужва на одредена патарина и на граничниот премин“ изјави Љупчо Георгиевски директор на ЈП за државни патишта.

Министерот за транспорт и врски нагласи и дека од кога ЈП за државни патишта го превзема патарините зголемен е приходот на патарините за 20%

Ана Јосифоска