Одбележан Денот на финансиската едукација
Институциите заеднички преку брошури, совети и подароци придонесуваа за поголема писменост кај граѓаните. Гувернерот со иницијатива- финансиската едукација да биде дел од формалниот образовен процес.
Финансиски едуцирани луѓе се луѓе богати со животна вештина. Банките, штедилниците, инвестициските, осигурителните и пензиските фондови како и брокерските друштва заеднички работат на подигање на финансиската писменост преку флаери, брошури, подароци и совети. Денот на финансиската едукација беше одбележан во Градскиот парк. Гувернерот Богов смета дека ова е потребно да се вклучи во формалниот образовен процес.
Финансиската едукација, особено за младите е долгорочна и многу важна инвестиција која носи позитивни ефекти, велат од Агенцијата за супервизија на осигурување.
Преку проектот Финансиско образование, Министерството за финансии досега има спроведено обука на 466 ученици од основните и средните училишта.
Ана Јосифоска- Тодоровска