Последен ден за пријавување субвенции за млеко
До денеска трае пријавувањето за добивање субвенции за сточарите кои го предале млекото во последните три месеци од минатата година. За еден литар кравјо, овчо и козјо млеко финансиска поддршка изнесува по 3,5 денари.
За млекарите и за живинарите денеска е последниот ден за поднесување барања за субвенции за предаденото млеко и за купени несилки.
Финансиската поддршка е за откупено овчо, козјо и кравјо млеко и за набавени несилки во живинарските фарми од октомври до декември 2016 година.
За млекото висината на поддршката е по 3,5 денари за еден литар однесен во лиценцирана млекарници.
Барањата се поднесуваат по електронски пат во подрачните единици на Министерството каде што е регистрирано земјоделското стопанство или фармата.
До крајот на денот истекува и рокот за поднесување на барања за финансиска поддршка и во живинарството за набавени несилки исто така од октомври до декември 2016 година.
За секоја купена несилка ќе се добиваат по 100 денари субвенции.
Методија Трајков