Пад на температурата, облачноста ќе се зголемува

Според синоптичарите од денеска ќе почне период во кој температурата ќе опаѓа, ќе се зголемува облачноста. Од попладневните часови, претежно на запад ќе има повремени врнежи од дожд и ретки грмежи.

Утре врнежите ќе се прошират насекаде, а локално и особено на југот и југоистокот дождот ќе е пороен и со грмежи.

Во среда се очекуваат да наврнат и пообилни количества, а тогаш и ветерот ќе е посилен.

Утринските температури ќе бидат во постојано опаѓање, а дневните од четврток ќе бидат во пораст.