Северна Кореја тестираше нова балистичка ракета

Северна Кореја соопшти дека синоќа извршила успешно тестирање на нова балистичка ракета со „среден до голем дострел“, што може да биде приспособена да носи и „тешка нуклеарна боева глава“. Во сооштението се посочува и дека лансирањето на ракетата било извршено под раководство на лидерот Ким Џонг-Ун. 

Понатаму во соопштението се вели дека тестирањето имало за цел да ги провери тактичките и технолошките карактеристиките на балистичка ракета од нов тип, која е способна да носи голема тешка нуклеарна боева глава.

Министерството за одбрана на Јужна Кореја, соопшти дека е потребна  верификација, за да се потврдат тврдењата на Северна Кореја тестирањето нова балистичка ракета.

„Властите во јужна кореја и во сад добија информација за висината и за далечината на вчерашното балистичко лансирање ракета. Сепак, сметаме дека е потребна дополнителна анализа за да се верифицира тврдењето на Пјонгјанг дека постигнале технички напреден и безбеден мотор“, изјави Ро Јае-Чеон, шеф на односи за јавност на Јужна Кореја.

За време на тестирањето Ким го обвинил Вашинтон дека ги „заплашува“ земјите кои „немаат нуклеарни оружја“ и предупреди дека САД го потценуваат фактот дека се „на дострел на Севернокорејаски напади“. 

Американската претставничка во ОН изјави дека најновото тестирање балистичка ракета било предизвикано од паранојата на севернокорејскиот лидер, и додаде дека со таквите потези, Северна Кореја само ги намалува своите шанси за директни преговори со САД.

Вашингтон постојано ја предупредува Северна Кореја да ги запре натамошните провокации, споменувајќи и американска воена интервенција како опција поради нуклеарната програма на Пјонгјанг.

Дипломатите од двете земји со недели говорат дека се можни директни разговори меѓу Трамп и Ким.

Рускиот претседател повика на продолжување на дијалогот со Северна Кореја и изјави дека натамошните нуклеарни проби се неприфатливи.

Марина Автовска