Протести во Бразил

Владата на Бразил распореди војска околу зградата на министерствата во Бразилија по судирите за време на протестите против претседателот Мишел Темер кого демонстрантите го обвинуваат за корупција и бараат негова оставка.

Револтираната толпа ја опожари зградата на Министерството за земјоделство и уништи неколку други владини објекти. Минатата недела се појави снимка на која Темер наводно одобрува исплата на мито.

Претседателот предупреди дека е можно да се распадне коалициската влада, а Врховниот суд нареди истрага.