Оланд во тридневна посета на САД

Американскиот претседател Барак Обама денеска во Белата Куќа го пречека францускиот претседател Франсоа Оланд, кој е во тридневна посета на САД, пренесува Би-Би-Си.

Во фокусот на разговорите се нуклеарната програма на Иран, конфликтот во Сирија и зголемувањето на екстремизмот во Северна Африка.

На прес-конференцијата пред започнувањето на официјалните разговори двајцата лидери ги истакнаа долгогодишни врски меѓу нивните земји и заедничките позиции за различни глобалните предизвици.

Посетата на Оланд на САД се случува за време на големата љубовна афера на францускиот претседател со познатата француска актерка и разделбата од неговата долгогодишна партнерка.

Посетата на Оланд политичките аналитичари ја опишуваат како нова ера на односите помеѓу Франција и САД и зближување на двете земји после „заладените“ односи кои настанаа во 2003 година околу војната во Ирак.