Иванов од Брисел бара почнување на преговорите за членство во Унијата
Претседателот Ѓорге Иванов денеска одржа работна средба со амбасадорите на земјите членки на Европската унија во Република Македонија. На дипломатите им прененел дека статус- квото не смее да продолжи...
Европската унија да направи исчекор и да определи датум за почеток на пристапните преговори со Македонија, побара претседателот Иванов на средбата со амбасадорите од земјите- членки на Унијата.
Иванов на дипломатите им прененел дека статус- квото не смее да продолжи. Шефот на државава од лидерите на парламентарните партии бара да покажат одговорност и да ја обноват посветеноста за европска и за евроатлантска Македонија, приоритет да им бидат законите и решенијата од европската агенда.
Амбасадорите посочиле оти со доделувањето на мандатот за состав на новата влада се отвора можност за нормализација на состојбите и за политичка стабилност во земјава.