Најмалку 10 загинати и над 100 ранети во напад во Кабул

Повеќе од 10 луѓе загинаа, а над 100 се ранети во самоубиствен бомбашки напад во Кабул.

Нападот бил извршен со автомобил бомба во близина на германската амбасада во центарот на градот, во област каде што има и други дипломатски претставништва и административни згради.

Во нападот биле повредени двајца јапонски дипломати, а оштетени биле и јапонската амбасада и кинеското дипломатско претставништво.