Путин: Немаме компромитирачки информации за Трамп

Рускиот претседател Владимир Путин изјави дека не располага со каква и да било компромитирачка информација за претседателот на САД, Доналд Трамп.

Во интервју за телевизијата ЕН-БИ-СИ тој исткна дека тоа е само уште еден голем апсурд, и додаде дека нема никакви односи со Трамп и покрај неговите патувања како бизнисмен во Русија.

Путин повторно демантира какво и да е мешање на Русија во претседателските избори во САД и изјави дека не знае ништо за руските контакти со предизборниот тим на Трамп.