ВМРО-ДПМНЕ: Граѓаните од Заев не очекуваат лаги и манипулации, туку исполнување на ветеното

Граѓаните очекуваат изградба на нови 500 километри автопат, а не лаги дека изградбата на постојните била закочена, реагираат од ВМРО-ДПМНЕ. Велат- граѓаните од Заев не очекуваат лаги и манипулации, туку исполнување на ветеното- членство на Република Македонија во ЕУ и НАТО без да се задира во идентитетските прашања.

Според ВМРО-ДПМНЕ, уште во првите денови граѓаните видоа колку вреди зборот на СДС и на нивниот претседател Зоран Заев. Уште во првите денови граѓаните на Република Македонија ја гледаат разликата, а истата ќе ја види и СДС на првите наредни избори, стои во соопштението од ВМРО-ДПМНЕ.