Кристофер Вреј- нов директор на ФБИ

Американскиот претседател Доналд Трамп го номинираше Кристофер Вреј за нов директор на Федералното Биро за истраги. Според Трамп, Вреј има беспрекорни акредитации за местото директор на ФБИ.

Вреј работел во Департментот за правда од ’97-та како обвинител во Џорџија, а од 2003-та до 2005-та го водел одделот за криминал во Департментот за правда за време на американскиот претседател Џорџ Буш.

Вреј работи како приватен адвокат. Тој успешно го одбрани гувернерот на Њу Џерси, Крис Кристи во случајот со затворањето на мостот кон Њујорк.

Наименувањето на новиот директор доаѓа по отпуштањето на поранешниот директор Џејмс Комни во мај.

Новиот директор е 20-иот директор на Федералното Биро за истраги.

Ирина Гелевска, постојан дописник од Вашингтон за МРТ