Мјанмар: Пронајдени се тела на жртви во авионската несреќа

Претставници на вооружените сили во Мјанмар соопштија дека тела на жртви од авионската несреќа во Мјанмар биле пронајдени во Андаманското море.

Најдени се телата на двајца возрасни и едно дете, како и спасувачки елеци, багаж и делови од авионот.

Воен авион на Мјанмар, во кој се наоѓале 104 лица, исчезна вчера меѓу јужниот град Мјелка и Јангон. Во спасувачката операција учествуваат бродови, авиони и хеликоптери.