Одбележан Денот на воздухопловната бригада
Нејзините припадници освен што успешно го чуваат мирот на македонското небо, досега учествувале и во меѓународни мисии. Подготвени се за брзи интервенции при воени или елементарни непогоди.
Во касарната „Страшо Пинџур“ беше одбележан Денот на воздухопловната бригада на Армијата, која прослави 25 години од основањето. Нејзините припадници освен што успешно го чуваат мирот на македонското небо, досега учествувале и во меѓународни мисии. Подготвени се за брзи интервенции при воени или елементарни непогоди.
„Со вашите успешни учества во повеќе мисии организирани од НАТО, како и со вашето учество во мисијата на ЕУ, Алтеа во БиХ, веќе покажавте дека вашите припадници се подготвени да извршуваат задачи, дури и во рамките на НАТО структурите“, рече министерката за одбрана, Радмила Шекеринска.
Во изминативе години во тек е процес на обнова на воздухопловната бригада, чија цел е да се обезбедат потребните ресурси за извршување на мисијата на бригадата, што ќе придонесе за зголемување на борбената готовност на Армијата во целост.