Заев- Могерини: Ако реформите бидат спроведени, ЕУ е подготвена да возврати
Заев во Брисел се сретна и со преседателот на Европскиот совет, Доналд Туск и со еврокомесарот Јоханес Хан. На денешната агенда е и средбата со генералниот секретар на НАТО, Јенс Столтенберг.
Новата влада е решена да ги спроведе неопходните реформи за забрзување на евроинтегративниот процес на Република Македонија, истакнал македонскиот премиер Зоран Заев на средбата со високата претставничка за надворешна и безбедносна политика на ЕУ, Федерика Могерини. Пораката од Могерини е дека ако реформите бидат спроведени, Европската унија е подготвена да возврати.
Заев во Брисел се сретна и со преседателот на Европскиот совет, Доналд Туск и со еврокомесарот Јоханес Хан. На денешната агенда е и средбата со генералниот секретар на НАТО, Јенс Столтенберг.
Претседателот на Владата е придружуван од вицепремиерката и министер за одбрана Радмила Шекеринска, вицепремиерот за евроинтеграции Бујар Османи и министерот за надворешни работи Никола Димитров.
Еврокомесарот за соседска политика и преговори за проширување Јоханес Хан пред да се сретне со премиерот Зоран Заев во Брисел, порача дека првите чекори кои треба да ги преземе новата Влада се итните реформски приоритети.