Најсјајното одличје на градите на Френцел
12.02.2014 14:33
Ерик Френцел го освои златниот медал во првиот настан во нордиска комбинација, со маестрален најдолг скок од 103 метри на малата скокалница и со фуриозен финиш на 10 километарската крос кантри трка.
Германецот имаше импресивен настап и го оправда епитетот, со кој што допатува во Сочи. Лидерот во тековната сезона и актуелен победник од минатата во светскиот куп, ја имаше улогата фаворит број 1.
Ерик Френцел го освои златниот медал во првиот настан во нордиска комбинација, со маестрален најдолг скок од 103 метри на малата скокалница и со фуриозен финиш на 10 километарската крос кантри трка.
Германецот имаше импресивен настап и го оправда епитетот, со кој што допатува во Сочи. Лидерот во тековната сезона и актуелен победник од минатата во светскиот куп, ја имаше улогата фаворит број 1.
Зад Френцел остана Акито Ватабе, кој што е второпласиран и во светскиот куп, а на Јапонија и го донесе првиот медал во нордиска комбинација по 1994-та. Бронзата ја освои Норвежанецот Магнус Крог.
На 18-ти е настапот на големата скокалница во комбинација со 10 километарската крос кантри трка, а на 20-ти февруари е последниот, тимскиот и можеби највозбудливиот настан во нордиска комбинација.