ЕК: САД да го намали влијанието врз организацијата на Интернет

Европската комисија денеска повика за намалување на влијанието на САД врз организирањето на Интернет, јави ДПА.

ЕК не инсистира за поголема државна контрола врз Интернетот, како што тоа го прават Кина и Русија. Таа сепак бара транспарентност и послабо американско влијание врз институциите кои раководат со механизмите на глобалната мрежа, како што е дефинирањето на адресите на веб страниците.

Според еврокомесарот за дигитална технологија Нели Крус тоа би требало да се направи врз основните човекови права и слободи.  

- Европа треба да придонесе за сигурен напредок кон глобално управување со интернетот, изјави Крус. Според неа Европа треба да игра значителан улога во дефинирање на изгледот на мрежата во иднина