Венецуела ја напушти средбата на ОАД

Министерката за надворешни работи на Венецуела, Делси Родригес ја напушти средбата на Организацијата на американските држави (ОАД) во Канкун, на која се разгледуваше политичката криза во нејзината земја. 

Земјите-членки повторно не успеаја да ја усвојат резолуцијата со која се осудуваат порадикалните активности на претседателот Николас Мадуро.

Во Каракас се уште се протестира против неговата влада. За 80 дена загинаа над 70 луѓе, а илјадници беа повредени во насилствата.