Нови цени на горивата: Бензинот поевтинува за 2 денари- дизелот за 1,5
Причини за корекциите на цените на дериватите се намалување на просечната цена на суровата нафта за 6,42%, како и повисокиот курс на доларот во однос на денарот за 0,336%.
Регулаторната комисија за енергетика донесе одлука за намалување на рафинериските и малопродажните цени на нафтените деривати во просек за 5,19 односно за 3,48 проценти.
Цената на литар бензин Еуросупер БС- 95 и БС- 98 се намалуваат за 2 денара, односно ќе се продаваат за 60,50 и 62,50 денари. Дизелот ДЕ5 и екстралесното масло за домаќинство поевтинуваат за 1,5 денар за литар. Ќе се продаваат за 46,50 односно за 35 денари за литар. Нова пониска цена за 1,067 денари за килогарм ќе има и мазутот.
Причини за корекциите на цените на дериватите се намалување на просечната цена на суровата нафта за 6,42%, како и повисокиот курс на доларот во однос на денарот за 0,336%.
Истовремено е забележан и пад на берзанските цени на бензините и на дизелот за 6,83% односно за 4,7% по тон.