Форум на ЕБРД во Лондон: Инвестирање во Западен Балкан
Главни теми за кои ќе се разговара се регионалните проекти за инвестирање во енергијата, транспортот, корпоративноста и начини за унапредување на бизнис климата...
На 24 февруари во Лондон, Европската банка за обнова и развој, организира регионален форум на високо ниво за Западниот Балкан.
На настанот ќе учествуваат премиерите на Македонија- Никола Груевски, Албанија- Еди Рама, БиХ- Вјекослав Беванда, Хрватска- Зоран Милановиќ, Косово- Хашим Тачи, Црна Гора- Мило Ѓукановиќ и Србија- Ивица Дачиќ.
Форумот е организиран по т.н. Гимних формула- одржување на неформални состаноци по одредена агенда, но без донесување одлуки. На него ќе учествува и претседателот на банката, Сума Чакрабарти и еврокомесарот за проширување Штефан Филе.
Главни теми за кои ќе се разговара се регионалните проекти за инвестирање во енергијата, транспортот, корпоративноста и начини за унапредување на бизнис климата, со цел привлекување на поголеми странски инвестиции и воспоставување соработка за прекугранични проекти.