Македонски Телеком воведува „4Г+“ технологија

Македонски телеком најави почеток на нов тригодишен инвестициски циклус вреден 60 милиони евра. Ќе воведе нова „4Г+“  технологија за двојно побрз интернет со 300 мегабајти во секунда.

„За 6 недели оваа технологија ќе биде достапна во центарот на Скопје, а во 2018-та 15% од популацијата во градовите ќе можат да ја користат „4Г+“ технологијата. Македонски Телеком ќе инвестира над 60 милиони евра во наредните 3 години за воведување на гиганет мрежата“, изјави Андреас Елснер, главен извршен директор на Македонски Телеком.

Реонот на Центар во Скопје прв ќе ја добие новата технологија веќе во септември годинава, а од наредната година и другите поголеми градови во земјава.