Странските инвеститори ќе добијат поддршка зависно од партнерствата со домашните компании
Странските инвеститори ќе добијат поддршка, но во зависност од партнерствата со домашните компании- најави вицепремиерот за економски прашања. Тврди - овој модел е долгорочно одржлив. Најави извештај за парите кои досега се потрошени за привлекување странски инвестиции.
Поддршка за македонските извозно- ориентирани компании, измени во Законот за енергетика, поеднакви услови за странските и домашните инвеститори- најави вицепремиерот за економски прашања, Кочо Анѓушев.
Странските инвеститори ќе бидат максимално заштитени, но ќе се знае која компанија колку придонесува за домашната економија преку соработката со македонските фирми.
Министерот за финансии, Тевдовски вели дека е потребно раздвижување на економијата и трансарентност во јавните финансии.
Тевдовски смета дека основа за економски раст се капиталните инвестции во патишта, гасоводи, далекуводи, инфраструктура. Вети неселективно враќање на ДДВ, промени во даночната сфера и измени на Законот за јавни набавки.
Дијана Ценевска