„РИКО“ од септември со први проекти за младите

Да се промовира духот на помирување и соработка меѓу младите луѓе во регионот, преку програми за размена и да се слушне мислата на младиот човек преку активизам и неформалното учење да се придонесе за социјална, културна и образовна интеграција на младите во општеството, има за цел „РИКО“ системот. Според амбасадорот на Франција, Тимоние, Mакедонија меѓу првите земји го потпиша договорот, а тоа е сигнал дека се мисли на иднината и во тешки услови.

„Ја создадовме оваа организација според моделот на соработка помеѓу младинските организации од Франција и Германија, што одиграа голема улога во процесот на помирување на двете земји. Сега е време да се започне со проектите, има седиште во Тирана и генерален секретар од Белград, така што ништо не е невозможно и ова е иднината“, рече амбасадорот Тимоние.

 Идејата за младинска канцеларија се водела од примерот на Франција и Германија.

„Во Македонија, се зборува за отворање нова страница и тоа е поврзано со отворањето на младинската канцеларија, а треба да се искористи можноста за РИКО да профункционира“, вели германската амбасадорка Алтхаузер.

И младите од Македонија треба да бидат вклучени и да бидет дел од сите проекти во повеќе сфери.

На самитот во јули во Трст ќе бидат одржани бизнис форум, како и состанок за борба против корупцијата, а од таму ќе се испарти порака на дијалог и подобра соработка меѓу земјите од регионот.

„РИКО“ е формиран минатата година и е инспириран од француско-германскиот модел на помирување.

Дијана Ценевска