Друштвото на писатели на Македонија одбележува 67 години од постоењето

За местото и улогата на Друштвото на писатели во изминатиот период говореше претседателот на ДПМ Раде Силјан, а беа врачени наградите за најуспешни книжевни остварувања во 2013 година.

Добитници на високите признанија се: Братислав Ташковски  со награда „Ацо Шопов“ за поезија, Венко Андоновски – награда „Стале Попов“ за проза, Владимир Мартиновски - наградата „Димитар Митрев“ за критика, Александар Кујунџиски - наградата „Ванчо Николески“ за книга за деца и Делвина Крлуку со награда „Книжевен мост“ за книга објавена на јазиците на националните заедници во Македонија.
 

Друштвото на писателите на Македонија е основано во 1947 година. Досега во македонската писателска асоцијација членувале околу 450 писатели од сите генерации.