Зголемен интересот на земјоделците за ИПАРД 2
Зголемен е интересот на земјоделците за користење на парите од ИПАРД 2 програмата. За разлика од претходните години кога најмногу се аплицираше за обнова на механизацијата, сега се бара ко-финансирањата и на инвестициите за обновливи извори на енергија и за развој на руралниот туризам. Огласот ќе трае до 21-ви јули...
Досега до платежната агенција се доставени скоро 1.200 барања за користење на средставата од ИПАРД 2. Огласот се уште трае и се очекуваат уште поголем број на апликации.
Ова се најмногу поднесени барања за ИПАРД програмата ако се има предвид дека на претходните огласи пристигнуваа во просек по 400-тини.
Зголемениот интерес е поради подобрените услови. Наместо досегашните 50 стапката на кофинансирање во првата мерка за инвестиции во земјоделските стопанства, може да се зголеми и до 70 проценти во планинските неразвиени подрачја.
Новина е дека прифатлив сектор за инвестирање се и вложувањата во житните култури и во обновливите извори на енергија. Дел за сопствено користење на енергијата, а дел за продажба.
На земјоделците и бизнис операторите кои ќе користат средства од оваа програма им стојат на располагање и Гарантниот фонд за покривање на дел од хипотеката за земениот кредит, потоа и субвенции за покривање на трошоците за половината од банкарските камати и готови бесплатни типски проекти за фарми.
Методија Трајков