Претседателот Иванов на форумот Кран Монтана во Барселона
На сопругата на македонскиот претседател Маја Иванова денеска ќе и биде доделена наградата Златен медал на форумот Кран Монтана за нејзините активности, проекти и иницијативи од хуманитарен карактер.
Претседателот на Република Македонија Ѓорге Иванов, придружуван од сопругата Маја Иванова престојува во работна посета на Кралството Шпанија, каде ќе учествува на 28. годишна сесија на форумот Кран Монтана, што се одржува во Барселона.
На сопругата на македонскиот претседател Маја Иванова денеска ќе и биде доделена наградата Златен медал на форумот Кран Монтана за нејзините активности, проекти и иницијативи од хуманитарен карактер.
Како што информираат од кабинетот на претседателот, темите на дискусија на годинашниот форум се фокусирани на производството на енергија, климатските промени, мигрантската криза, зајакнувањето на улогата на жената во општеството и можностите за соработка на Медитеранот, Африка и Блискиот Исток.
Иванов, првиот ден од форумот се обрати на официјалната сесија на отворањето на форумот на тема „Каков свет за иднината? Стратегии за стабилност во непредвидлива средина – кон нов начин на управување“.