Германија златна и во екипно санкање

Санкачите од оваа репрезентација ја комплетираа златната низа во Сочи, каде што ги зграпчија најсјајните одличја во сите четири дисциплини. Четирите актуелни олимписки шампиони, Натали Гајзенбергер, Феликс Лох и двоецот Тобијас Вендл и Тобијас Арлт, беа недопирливи и во штафетните трки и супериорно се искачија на највисокото место на пиедесталот, осовојувајки го за Германија вкуоно 32 медал, 16-ти златен. Сребрениот од Сочи во сингл конкуренција , 42 годишниот Алберт Демченко ја предводеше Русија до третото сребро на олимпијадите во овој спорт.Заедно со Татијана Иванова и тандемот Александар Денисов и Владислав Антонов ги израдуваа домашните навивачи на „Санки“ пистата во Сочи. Изненадувачки до бронзата стигна селекцијата на Летонија  во која бронзените браќа од вчерашната трка, Андрис и Јурис Сикс, беа клучен фактор во екипата состаена од сингл адутите, Елиза Тирума и Мартинс Рубенис. Во 50 годишната историја на овој спорт на претходните 13 Зимски Олимпијади сите златни медали во санкање, супериорната Германија ги освоила и во Нагано 1998 со легендарните Хакл, Краушан и двоецот Краузе/Берент.