Новото раководство на ССМ со серија кривични пријави против Митревски

Новото раководство на Сојузот на синдикати на Македонија (ССМ), против поранешниот претседател, Живко Митревски најавува серија на кривични пријави. Дел од нив се за фалсификување на документи, а дел за злоупотреба на службена положба.

Претходниот претседател на ССМ, Живко Митревски преку буџетот на ССМ си ги плаќал киријата за стан, трошоците за комуналии, чистачка, сметки, како и два шофери за двете службени возила, објавија денеска новото раководство на Сојузот.