Во тек уписот на Универзитетот за информатички науки „Св. Апостол Павле“ Охрид

Уписите за студентите денеска почнаа и на Универзитетот за информатички науки „Свети Апостол Павле“ во Охрид. Има слободни места на 5-те факултети распоредени на 10 различни студиски програми.

„Оваа година бруцошите покажале најголем интерес за студирање на факултетите за Компјутерски науки и инженерство и Информатички системи, визуелизација, мултимедијална и анимациска техника. Има се уште слободни места на петте факултети, распоредени во 10 различни студиски програми, меѓу кои програмите за Компјутерски мрежи и безбедност; Машинска интелигенција и роботика; Дигитална бизнис информатика и Е-Влада, Е-Бизнис, Е-Култура“, информира Универзитетот „Св. Апостол Павле“.

Уписите траат и на државниот универзитет во Тетово, како и на универзитетот „Гоце Делчев“ во Штип.