Градинките ќе работат во две смени од 1-ви септември
Приспособување на работата на градинките кон работата на родителите. Од 1-ви септември почнува двосменското работење во овие предшколски установи. Првата смена ќе биде од 7 до 14:30 часот, а втората од 14 часот попладне до 21:30 часот.. Секоја прва сабота во месецот ќе биде работна, од 8 до 16 часот, најави ресорната министерка Мила Царовска...
Од 1-ви септември градинките треба да почнат со двосменско работење. Министерката за труд и социјална политика, Мила Царовска, соопшти дека целта на ваквата одлука е децата и родителите да ја добијат потребната грижа од јавните установи. Прва смена ќе бидат од 7 до 14:30 часот, втората од 14 до 21:30 часот, а ќе се работи и секоја прва сабота во месецот од 8 до 16 часот.
Владината одлука за двосменско работење е донесена на 10-ти јули. Министерката Царовска тврди дека градинките имале доволно време да се организираат. Најави нови инвестиции во градинките, особено во руралните средини.
Царовска посочи оти и само едно дете да има потреба да оди во градинка во втора смена, тоа треба и да му биде овозможено.
Наташа Јанчиќ