Пет лица затруени со храна во гостилница во Дебар Маало

Петмина граѓани со знаци на труење со храна побарале помош на Клиника за инфективни болести во Скопје. Државниот санитарен и здравствен инспекторат извршил вонреден инспекциски надзор во „Гостилница ДМ“ во Дебар Маало каде што јаделе затруените граѓани.

Од извршениот вонреден инспекцискиот надзор констатирано е незадоволително одржувана хигиена во објектот и веднаш е извршена превентивна дезинфекција, дезинсекција и дератизација на објектот.

При надзорот се земени материјали за микробиолошко испитување, од работни површини во кујна и од кујнска опрема, брисеви од вработените, мостри од храна.

Објектот е времено затворен.