Ураганот Ирма достигна петта категорија, наредена евакуација

Ураганот Ирма премина во петта категорија. На Карипските острови е издадено предупредување. Ветерот достигна брзина од 220 километри на час, а Националниот центар за урагани прогнозира и интензивирање во наредните 48 часа, како и поројни дождови.

Порторико прогласи вонредна состојба и ја активираше националната гарда. 62 илјади луѓе ќе бидат сместени во засолништа.

Вонредна состојба е прогласена и во американската сојузна држава Флорида. Делови од Соединетите Американски Држави се справуваат со последиците од моќниот ураган Харви во кој загинаа 60 луѓе.