Врховен суд: Расправа за замрзнување на имотот на ВМРО-ДПМНЕ

Врховниот суд, по барање на Специјалното јавно обвинителство, треба да расправа за законитоста на одлуката на скопскиот Кривичен суд да не биде замрзнат дел од имотот на ВМРО-ДПМНЕ, во предметот „Талир“ кој се однесува на финансирањето на партијата.

Во четвртокот расправата беше одложена со кусо образложение- поради технички причини.

Специјалното јавно обвинителство бара замрзнување на имотот на ВМРО-ДПМНЕ, бидејќи се сомневаат дека е стекнат на незаконски начин.

Се чека одлуката на Врховниот суд и по барањето на СЈО за оцена на законитоста на одлуката на Кривичниот суд за казната затвор од три години за ексвработениот во УБК Звонко Костовски, за случајот „Пуч“.