Утре жребка за редоследот на листите на локалните избори

Поради технички причини, наместо денеска како што предвидува роковникот, Државната изборна комисија со жребка утре ќе го утврди редоследот на гласачкото ливче за локалните избори на 15-ти октомври.

Во трка се две коалиции и девет политички партии. На локалните избори самостојно ќе трчаат и 26 кандидати за градоначалници, а поднесени се и 47 независни советнички листи.

Изборите ќе се спроведуваат во 80 општини и во Градот Скопје.