САД и Кина заедно во борбата со штетните климатски промени
15.02.2014 15:30
САД и Кина најавија поблиска соработка во борбата со климатските промени при посетата на американскиот државен секретар Џон Кери во Пекинг.
Во заедничка изјава на двете Влади се вели дека постигнале согласност за исполнување на преземените обврски за намалување на емисијата на стаклени гасови, вклучително емисијата на штетени гасови од возилата, подобрување на енергетската ефикасност на градбите и други мерки.
Кина и САД се најголеми извори на стаклени гасови. Истражувањата покажуваат дека промените предизвикани од овие гасови ќе доведат до суши и други екстремни манифестации на климата.
Двете влади значително ќе придонесат за успехот на глобалните напори за постигнување на целите за 2015 година, се наведува во соопштението.