Манчевски: Административците да пријавуваат политички притисок од било која страна
На отчетот за сработеното во првите 100 дена, Манчевски рече дека ќе се обиде да ја врати довербата во јавната администрацијана која треба да е во служба на граѓаните, ослободена од притисоци и уцени.
Административците да пријавуваат политички притисок од било која страна, а ние веднаш ќе реагираме, порача министерот за информатичко општество и администрација. На отчетот за сработеното во првите 100 дена, Манчевски рече дека ќе се обиде да ја врати довербата во јавната администрацијана која треба да е во служба на граѓаните, ослободена од притисоци и уцени.
„Она што јасно и недвосмислено сакам да го почарам до сите вработени во јавниот сектор, веднаш да реагираат и да пријавуваат било каков притисок од страна на било кој раководен кадар на администрацијата. Мораат веднаш да реагираат и ветувам дека веднаш ќе реагираме“- нагласи министерот Манчевски.
Според Манчевски, Министерството стои сериозен процес на реформи на јавната администрација базиран на нова стратегија. Во првите 100 дена, како што кажа, Министерството имплементирало и прифатило сите забелешки од СИГМА, успеало да го врати дијалогот со ЕУ за реформа на јавната администрација што бил во прекин од 2015 година, вовело флексибилно работно време и двосменско работно време за службите што издаваат лиценци, дозволи и слично.