Шилегов најави проекти за подобра поврзаност на Скопје

Нов концепт за развој на градот и на неговите општини, кој ќе се заснова на сериозни и остварливи инфраструктурни проекти, чиста животна средина и подобрување на квалитетот на животот на граѓаните, понуди денеска кандидатот за градоначалник на Скопје, Петре Шилегов.

„Оваа кампања не е иста како другите кампањи. Ова е сосема поинаква кампања, затоа што нудиме сосема поинаков концепт и за општина Гази Баба и за градот Скопје. Градиме со план, ја доведуваме инфраструктурата достапна за сите. Градиме на начин со кој темелно ќе ги решаваме проблемите на граѓаните. Ја чистиме животната околина- не повеќе да се трујат нашите деца. Нудиме здрав живот за сите. Скопје, Гази Баба, ќе ги направиме паметни општини“, рече Шилегов.

Шилегов најави дека во Скопје и Гази Баба ќе се реализираат низа сериозни инфраструктурни проекти.