БЕСА: Секој ден ќе потсетуваме на неисполнетите ветувања во општина Чаир
Движењето БЕСА најави дека секој ден пред општината Чаир ќе потсетува на неисполнетите ветувања на претходниот градоначалник...
Денеска сме пред општинската зграда во Чаир за да го изразиме нашето незадоволство од работењето на досегашната општинска власт, изјави Зекирија Ибрахими, кандидат за нов градоначалник на оваа локална самоуправа од редовите на Движењето БЕСА.
Рече дека тие што еднаш измамиле, повторно ќе мамат, тие што еднаш не го исполниле ветувањето никогаш нема да исполнат ниту едно ветување, како на пример дека општината ќе се гасифицира. Ги повика жителите на Чаир заедно да го дадат својот глас.
Кандидатот на Движењето БЕСА за градоначалник на скопски Чаир рече дека секојдневно ќе држи прес-конференции за да ги потсети граѓаните за ветувањата на претходниот градоначалник, а кои како што изјави, не се исполнети и по цели 12 години власт.
Наташа Јанчиќ