Со ревитализација на „Дуброво“ почнува инвестицискиот циклус во енергетиката

Во почетокот на следната година ќе почне ревитализацијата на 400 киловолтната трафостаница „Дуброво“. Ќе се изврши целосна замена на примарната високонапонска и секундарната опрема, стара 40 години. Со проектот кој чини 4,6 милиони евра ќе се обезбедат поголема сигурност и доверливост во управувањето со електропреносниот систем– велат надлежните.

„Оваа инвестициска ера ќе почне со изградба на нов 400 киловатен далековод со кој ќе се поврзат електропреносните системи на Македонија и Албанија и ова ќе биде прва електроенергетска врска меѓу двете земји, а Охрид и цела западна Македонија ќе добија моќна 400/ 110 кw станица“, вели Сашо Василевски, генерален директор на АД МЕПСО.

Ревитализацијата ќе трае три години. Ќе ја спроведува конзорциумот Сименс- Сискон. Ќе се финансира со милион евра од касата на МЕПСО, грант од 2,5 милиона од Вестерн Балканс Инвестмен Фрејмворк и кредит од 1,6 милиони евра од Европската банка за обнова и развој.

„Проектот на ревитализацијата во предградието на Неготино ќе трае три години, а работите ќе почнат следната година. Со најсовремена технологија ќе се замени старата високонапонска опрема“ - посочува Срдан Срдановиќ, претставник на Сименс.

По трафостаницата „Дуброво“ која надлежните ја посочуваат како срцето на Електропреносниот систем, најавена и изградвбата на 110 киловолтниот далновод што ќе ги поврзе Штип и Пробиштип, дел од инвестицијата „Изградба на седум нови далеководи“, вредна 50-ина милиони евра. Со став дека енергетиката е еден од главните столбови на кои ќе се фокусира инвестицискиот циклус, вицепремиерот Анѓушев тврди- нема да има приватизација на АД „Електарани на Македонија“. Обврската да се издвои сопственост на ЕЛЕМ И МЕПСО ќе се решава според искуствата од регионот, ќе бидат под капата на две различни институции во државава.

Сузана Фиданска- Стоевска