Дизелот поскапува за два денари, бензините со иста цена

Од полноќ поскапува дизел горивото за два денари за литар, додека кај бензините нема промени, соопшти Регулаторната комисија за енергетика.

Екстра лесното масло за домаќинства поскапува за 1,5 денари, и литар ќе се продава за 40 денари. Нова повисока цена за 1,329 денари за килограм доби и мазутот.

Причини за корекциите на цените се за 5,19 насто повисоката берзанска цена на суровата нафта и повисокиот курс на доларот во однос на денарот.