Продолжува изборната кампања за локалните избори

Втора недела од кампањата за локалните избори. Партиите продолжуваат да крстосуваат низ државава. СДСМ вечер ќе одржи митинзи во скопските општини Карпош и Центар, а претходно коалицијата „Живот во Македонија“ ќе има средба со жителите на Сарај.

Коалицијата „За подобра Македонија“ предводена од ВМРО-ДПМНЕ ќе одржи митинг во скопската населба Ѓорче Петров и во Куманово.

Демократската унија за интеграција најави партиски активности во Желино и во Јегуновце, а движењето БЕСА ќе ја презентира програмата пред жителите на Брвеница.