Косово не е тема на седницата на Извршниот совет на УНЕСКО

Приштина досега не поднела официјално барање за прием во УНЕСКО, и затоа таа тема не е на дневен ред на седницата на Извршниот совет на УНЕСКО, која почнува денеска, а на која се утврдува дневниот ред за генералната конференција, што ќе се одржи во ноември.

Српскиот амбасадор при УНЕСКО, Дарко Танасковиќ, вели дека српската делегација ја држи ситуацијата под контрола, но, во исто време, ништо не остава на случајност и дека ќе биде будна до последен момент.